Última revisión de 17:35 27 oct 2014

Ver traducción en Castellano

Cap. 18 Lettera del N.V.P. Fondatore alla Maestà del Re e Regno di Polonia

Serenissime et Clementissime Rex

Etsi ad nostrum erga Majestatem Vestram ac totuis Regni stu-dium addi nihil posse putabamus, eo cumulus regiae beneficentiae accesserat, mox tamen animadvertimus nostra nos existimatione pror-sus deceptos, quando prope immensa Clementiae Vestrae pietas nobis tantum nuper praestitit ut non amplius ornari nos sed obrui insolitis beneficiis piane sentiamus.

Propterea non solum immortaliter gaudemus tanti Principis singulari benignitate (quem in rebus adversis unicum Achillem ac Mecenatem minima nostra Religio nacta est) sed etiam tantum debere ei fatemur, quantum a Domino deberi homini non dixerim sed parenti optimo plurimum, prout et quales hactenus sumus aut futuri simus deinceps secundum Deum, acceptum totum referre debemus.

Itaque, Serenissime Rex, nihil tantum est quod nos non vestra causa ac Regni vestri debeamus facturique simus tum studiose tum libentissime. Utinam nos tantum quantum velimus valeamus, ut minima ex parte promerita vestra assequeremur totos nos quanti sumus, totos inquam quamvis minimos Majestati Vestrae debere iterum confitemur et quemadmodum regiae pietatis gratum animum perpetuo gerimus, ita ejusdem erimus semper praecones, eas vero gratias habebimus quas nos agere in praesentia non posse non diffitemur. Faxit Deus Opt. Max. ut frequentissima in eo vota omnium nostrum adimpleantur qui Majestatem Vestram rebus omnibus flo-rentissimam perennibus victoriis maxime gloriosam felicissimo regno suo quam diutissime tueatur ac servet. Dat. Romae decimo secundo kal. 7bris an. 1647.

Ser.mae M. V.rae

Non pongo la sottoscritione perchè in effetto non ne ho nota alcuna, né mi ricordo per certo come fosse, stante che dall'umiltà et rasegnatione al divin volere et alla S. Sede Apostolica del N.V.P. Fondatore si vedde che fu fatta in commune e non da suo nome solamente etc, se la trovassi mai la porrò doppo.

Notas